*శ్రీనివాసరెడ్డి మృతదేహం ఖమ్మంనికి *

*శ్రీనివాసరెడ్డి మృతదేహం ఖమ్మంనికి **

హైద్రాబాద్‌ డిఆర్‌డిఓ అపోలో ఆసుపత్రిలో చికిత్స పొందుతూ మృతి చెందిన ఆర్టీసీ డ్రైవర్ శ్రీనివాస్ రెడ్డి మృతదేహాన్ని భారీ బందోబస్తు మధ్య పోలీసులు ఆదివారం మధ్యాహ్నం ఖమ్మం తరలించారు. నిన్న మధ్యాహ్నం ఆర్టీసీ డ్రైవర్ శ్రీనివాస్ రెడ్డి కిరోసిన్ పోసుకొని ఆత్మహత్యాయత్నానికి పాల్పడ్డారు. నిన్న ఖమ్మంలో చికిత్స అందించినా మెరుగైన వైద్యం కోసం ఆయన్ని హైద్రాబాద్ లోని ఆపోలో ఆసుపత్రికి తరలించారు. ఇక అక్కడ చికిత్స పొందుతూ శ్రీనివాస్ రెడ్డి ఈరోజు మృతి చెందాడు. శ్రీనివాస్ రెడ్డి మృతదేహానికి పోలీసులు త్వరితగతిన పోస్టుమార్టం పూర్తి చేయించారు. పోస్టుమార్టం పూర్తి చేసిన వెంటనే మృతదేహాన్ని ప్రత్యేక అంబులెన్స్ లో ఖమ్మం తరలించారు.

శ్రీనివాస్ రెడ్డి మృతి చెందిన విషయం తెలిసిన విషయం వెంటనే ఆర్టీసీ కార్మికులు ఆపోలో ఆసుపత్రి వద్ద ఆందోళనకు దిగారు. ఆందోళనకు దిగిన ఆర్టీసీ కార్మికులను పోలీసులు అరెస్ట్ చేశారు.