మహబూబ్నగర్లో ఏసీబీ వలలో సర్వే శాఖ సూపరింటెండెంట్
మహబూబ్నగర్లో ఏసీబీ వలలో సర్వే శాఖ సూపరింటెండెంట్
గ్రామ మ్యాప్ సవరణ ఫైలు ముందుకు పంపేందుకు రూ.15 వేల లంచం తీసుకుంటూ పట్టుబాటు
మహబూబ్నగర్, జూలై 8 (గూఢచారి): మహబూబ్నగర్ జిల్లా అసిస్టెంట్ డైరెక్టర్ (సర్వే అండ్ ల్యాండ్ రికార్డ్స్) కార్యాలయంలో పనిచేస్తున్న సూపరింటెండెంట్ బొమ్మిరెడ్డి వెంకటేశ్వర్ రెడ్డి అవినీతి నిరోధక శాఖ (ACB) వలలో చిక్కారు.
ఏసీబీ విడుదల చేసిన వివరాల ప్రకారం, కర్వేన గ్రామం, భూత్పూర్ మండలానికి సంబంధించిన గ్రామ మ్యాప్లో సవరణలు చేయించేందుకు ఫైల్ను అసిస్టెంట్ డైరెక్టర్కు పంపించేందుకు ఫిర్యాదుదారుని నుంచి రూ.15,000 లంచం డిమాండ్ చేసి స్వీకరిస్తుండగా మహబూబ్నగర్ రేంజ్ ఏసీబీ అధికారులు బుధవారం రెడ్హ్యాండెడ్గా పట్టుకున్నారు.
నిందితుడి వద్ద నుంచి రూ.15 వేల లంచం నగదు స్వాధీనం చేసుకున్నట్లు ఏసీబీ తెలిపింది. అధికార విధులను దుర్వినియోగం చేసి అక్రమ లాభం పొందేందుకు ప్రయత్నించినట్లు ప్రాథమిక విచారణలో తేలిందని పేర్కొంది.
నిందితుడిని అరెస్టు చేసి నాంపల్లి ప్రత్యేక ఏసీబీ కోర్టులో హాజరుపరుస్తామని, కేసు దర్యాప్తు కొనసాగుతోందని అధికారులు వెల్లడించారు. భద్రతా కారణాల దృష్ట్యా ఫిర్యాదుదారుడి వివరాలను గోప్యంగా ఉంచినట్లు తెలిపారు.
ప్రజలకు ఏసీబీ విజ్ఞప్తి:
ఏ ప్రభుత్వ ఉద్యోగి లంచం డిమాండ్ చేసినా వెంటనే ఏసీబీ టోల్ఫ్రీ నంబర్ 1064కు సమాచారం ఇవ్వాలని, ఫిర్యాదుదారుల వివరాలు పూర్తిగా గోప్యంగా ఉంచుతామని ఏసీబీ స్పష్టం చేసింది.
Comments
Post a Comment