ఖైరతాబాద్ GHMC జూనియర్ అసిస్టెంట్ ఏసీబీ వలలో

 ఖైరతాబాద్ GHMC జూనియర్ అసిస్టెంట్ ఏసీబీ వలలో

హైదరాబాద్, మే 4:

ఖైరతాబాద్ జోన్ పరిధిలోని GHMC సర్కిల్-37లో పనిచేస్తున్న జూనియర్ అసిస్టెంట్ ఏసీబీ వలలో చిక్కింది. అవినీతి నిరోధక శాఖ (ACB) అధికారులు సోమవారం ఆమెను రెడ్‌హ్యాండెడ్‌గా పట్టుకున్నారు.

వివరాల్లోకి వెళితే…

రెవెన్యూ/ట్యాక్స్ విభాగంలో జూనియర్ అసిస్టెంట్‌గా పనిచేస్తున్న శ్రీమతి బి. శ్రీలత ఒక వ్యక్తి నుంచి అధికారిక పని చేయించేందుకు రూ.5 లక్షల లంచం డిమాండ్ చేసినట్లు ఆరోపణలు వచ్చాయి. ఈ క్రమంలో మొదటి విడతగా రూ.1 లక్ష స్వీకరిస్తున్న సమయంలో ఏసీబీ అధికారులు యూసుఫ్‌గూడ చెక్‌పోస్ట్ సమీపంలో ఆమెను పట్టుకున్నారు.

ఇంటి నిర్మాణ అనుమతి (House Construction Permission) ప్రక్రియలో అనుకూలంగా వ్యవహరించేందుకు ఈ లంచం తీసుకున్నట్లు అధికారులు వెల్లడించారు.

పట్టుబడిన నగదు రూ.1 లక్షను అధికారులు స్వాధీనం చేసుకున్నారు. రసాయన పరీక్షలో ఆమె చేతులపై పాజిటివ్ ఫలితాలు వచ్చినట్లు తెలిపారు.

ఈ ఘటనపై కేసు నమోదు చేసి, నిందితురాలిని అరెస్ట్ చేసి న్యాయస్థానంలో హాజరుపరచనున్నారు. ప్రస్తుతం కేసు దర్యాప్తు కొనసాగుతోంది. ఫిర్యాదుదారుడి వివరాలను భద్రతా కారణాల దృష్ట్యా గోప్యంగా ఉంచినట్లు ఏసీబీ వెల్లడించింది.