*"HMDAలో RTIకి 9 నెలల తాళం - ‘బై నేమ్’ లేఖను క్రిందిస్థాయి అధికారులే ప్రాసెస్ చేశారా?"*

 *"HMDAలో RTIకి 9 నెలల తాళం - ‘బై నేమ్’ లేఖను క్రిందిస్థాయి అధికారులే ప్రాసెస్ చేశారా?"*

*హైదరాబాద్, మే 2:* హైదరాబాద్ మెట్రోపాలిటన్ డెవలప్‌మెంట్ అథారిటీ (HMDA)లో సమాచార హక్కు చట్టం అమలు తూట్లు పొడిచినట్టైంది. నల్గొండకు చెందిన సీనియర్ జర్నలిస్టు భూపతి రాజు వేసిన RTIకి 9 నెలలైనా సమాధానం లేదు.

*ఏం అడిగారు?*

2025 జూలైలో భూపతి రాజు HMDAలోని అన్ని విభాగాల అధికారులు, ఉద్యోగులకు కేటాయించిన "వర్క్ అలాట్‌మెంట్ ఆఫీస్ ఆర్డర్" కాపీలు ఇవ్వాలని దరఖాస్తు చేశారు. ఎవరికి ఏ పని అప్పగించారో తెలిస్తే జవాబుదారీతనం పెరుగుతుందని ఆయన ఉద్దేశం.

*9 నెలలు - సగం సమాచారం కూడా లేదు*

దరఖాస్తు చేసి 9 నెలలు దాటినా సగం విభాగాల నుంచి కూడా సమాచారం రాలేదు. దీంతో ఆయన RTI చట్టం సెక్షన్ 18 కింద రాష్ట్ర సమాచార కమిషన్‌ను ఆశ్రయించారు.

*కమిషనర్ చూడకుండానే లేఖ క్లోజ్?*

ఈ జాప్యంపై HMDA కమిషనర్ సర్ఫరాజ్ అహ్మద్‌కు నేరుగా, రాష్ట్ర సమాచార కమిషన్‌కు ఫిర్యాదు చేసిన విషయాన్ని ఆయనకు తెలియజేసేందుకు ‘బై నేమ్’ లేఖను ఇన్వార్డ్‌లో ఇచ్చారు. అయితే బై నేమ్ లేఖను క్రిందిస్థాయి అధికారులు ప్రాసెస్ చేసినట్లు అనుమానాలు వ్యక్తమవుతున్నాయి. "కమిషనర్ పేరుతో ఇచ్చిన లేఖను ఆయన టేబుల్‌కు చేరకుండానే క్రింది స్థాయిలోనే డీల్ చేసి పక్కనపెట్టారు. పై అధికారి దృష్టికి వెళ్లకుండా ఫైల్ క్లోజ్ చేసే ప్రయత్నం జరిగింది" అని భూపతి రాజు ఆరోపించారు.

*ఇంటిమేషన్‌పై చర్య ఏది? మళ్లీ RTI - స్పందన శూన్యం*

బై నేమ్ ఇంటిమేషన్‌పై ఏం చర్య తీసుకున్నారో తెలుసుకునేందుకు మరో RTI దరఖాస్తు చేశారు. కానీ దానిపై కూడా స్పందన కరువైందని ఆయన వాపోయారు. "లేఖ కమిషనర్‌కు చేరిందో లేదో, చర్య తీసుకున్నారో లేదో కూడా చెప్పడం లేదు. RTI పై RTI వేసినా సమాధానం లేదు. ఇదేనా పారదర్శకత?" అని ప్రశ్నించారు.

*"పారదర్శకత ఎక్కడ?" - భూపతి రాజు*

"ఒక సాధారణ వర్క్ అలాట్‌మెంట్ ఆర్డర్ ఇవ్వడానికి 9 నెలలు పడితే ఇక పెద్ద అవినీతి వివరాలు ఎలా బయటకొస్తాయి? HMDAలో RTI అమలు పూర్తిగా విఫలమైంది. కమిషనర్ వెంటనే జోక్యం చేసుకుని అన్ని విభాగాలను సమాధానం చెప్పించాలి" అని భూపతి రాజు డిమాండ్ చేశారు.

_‘బై నేమ్’ లేఖలను కూడా క్రిందిస్థాయి అధికారులు ప్రాసెస్ చేయడం, దానిపై చర్యల గురించి అడిగిన RTIకి కూడా సమాధానం ఇవ్వకపోవడం అధికార దుర్వినియోగమే. RTI చట్టం ప్రకారం 30 రోజుల్లో సమాచారం ఇవ్వాలి. 9 నెలల జాప్యంపై సమాచార కమిషన్ ఏం చర్యలు తీసుకుంటుందో వేచి చూడాలి.