*నిజామాబాద్ మున్సిపల్ కార్పొరేషన్ లో ఏసీబీ దాడి - రూ.15 వేలు లంచం తీసుకుంటూ ఇద్దరు ఉద్యోగులు అరెస్ట్*

 *నిజామాబాద్ మున్సిపల్ కార్పొరేషన్ లో ఏసీబీ దాడి - రూ.15 వేలు లంచం తీసుకుంటూ ఇద్దరు ఉద్యోగులు అరెస్ట్*

*నిజామాబాద్, సెప్టెంబర్ 21:* నిజామాబాద్ మున్సిపల్ కార్పొరేషన్ లో అవినీతికి పాల్పడిన ఇద్దరు ఉద్యోగులు ఏసీబీ వలలో చిక్కారు.

నిజామాబాద్ మున్సిపల్ కమిషనర్ కార్యాలయంలో పనిచేస్తున్న

- *AO-1: పాల్ద అశోక్ - జూనియర్ అసిస్టెంట్ (ఎస్టాబ్లిష్మెంట్ సెక్షన్)*

- *AO-2: కలకుంట్ల కిరణ్ కుమార్ - ఔట్ సోర్సింగ్ ఉద్యోగి (ఆడిట్ సెక్షన్)*

ఇద్దరినీ నిజామాబాద్ రేంజ్ ఏసీబీ అధికారులు ఈరోజు ఉదయం 11.18 గంటలకు నిజామాబాద్ టౌన్ లోని రాజా రాజేంద్ర చౌరస్తా దగ్గర, సీతారాంనగర్ కాలనీలోని పద్మశాలి సంఘం వద్ద రూ.15,000/- లంచం తీసుకుంటూ రెడ్ హ్యాండెడ్ గా పట్టుకున్నారు.

*ఎందుకు లంచం అడిగారు?*

ఫిర్యాదుదారుడి తల్లి సర్వీస్ బుక్ లో ఇంక్రిమెంట్ ప్రొసీడింగ్స్ తయారు చేసి, అవసరమైన ఎంట్రీలు చేసి నెలవారీ పెన్షన్ మంజూరు చేయడానికి ఈ లంచం డిమాండ్ చేశారు.

అక్రమంగా రూ.15,000 లబ్ధి పొంది తమ విధులను సక్రమంగా నిర్వహించకుండా అవినీతికి పాల్పడ్డారని ఏసీబీ నిర్ధారించింది.

ఇద్దరు నిందితులను అరెస్ట్ చేసి నాంపల్లిలోని II అడిషనల్ స్పెషల్ జడ్జి ఫర్ SPE & ACB కేసుల కోర్టులో హాజరుపరచనున్నట్లు ఏసీబీ తెలిపింది. ఫిర్యాదుదారు వివరాలు భద్రతా కారణాల దృష్ట్యా వెల్లడించలేదు. కేసు దర్యాప్తులో ఉంది.

*లంచం అడిగితే 1064 కు ఫోన్ చేయండి: ఏసీబీ*

ప్రభుత్వ ఉద్యోగులు ఎవరైనా లంచం అడిగితే టోల్ ఫ్రీ నంబర్ *1064* కు కాల్ చేయాలని, వాట్సాప్ నంబర్ *9440446106*, ఫేస్ బుక్ (Telangana ACB), X (@Telangana ACB) ద్వారా కూడా సంప్రదించవచ్చని ఏసీబీ తెలిపింది. ఫిర్యాదుదారుల వివరాలు గోప్యంగా ఉంచుతామని పేర్కొంది.