మేడిపల్లి లేఅవుట్ ప్రీ-బిడ్ సమావేశానికి భారీ స్పందన

 *మేడిపల్లి లేఅవుట్ ప్రీ-బిడ్ సమావేశానికి భారీ స్పందన*  

*200 మందికి పైగా భావి బిడ్డర్ల హాజరు*

*హైదరాబాద్:* హైదరాబాద్ మెట్రోపాలిటన్ డెవలప్‌మెంట్ అథారిటీ (హెచ్‌ఎండీఏ) ఆధ్వర్యంలో ప్రతిపాదిత మేడిపల్లి లేఅవుట్‌కు సంబంధించి 16.6.2026న ప్రాజెక్టు స్థలంలో ప్రీ-బిడ్ సమావేశం విజయవంతంగా నిర్వహించబడింది. 

ఈ సమావేశానికి 200 మందికి పైగా భావి బిడ్డర్లు ఉత్సాహంగా హాజరై, 24.6.2026న జరిగే ఈ-వేలంపై విశేష ఆసక్తిని వ్యక్తం చేశారు.

సమావేశంలో హెచ్‌ఎండీఏ అధికారులు, నిపుణులు బిడ్డర్ల సందేహాలకు సమాధానాలు ఇచ్చారు. డిప్యూటీ కలెక్టర్ వై. సుదర్శన్ మేడిపల్లి లేఅవుట్ ముఖ్యాంశాలను వివరించగా, చీఫ్ ప్లానింగ్ ఆఫీసర్ ఎ. రవీందర్ రెడ్డి లేఅవుట్ ప్రణాళికా అంశాలు, అభివృద్ధి ప్రతిపాదనలపై స్పష్టత ఇచ్చారు.

డిప్యూటీ ఎగ్జిక్యూటివ్ ఇంజనీర్ ఎం. సత్యప్రసాద్ స్థలంలో చేపట్టిన అభివృద్ధి పనులను వివరించి, సాంకేతిక సందేహాలకు సమాధానాలు ఇచ్చారు. ఈ-వేలం ప్రక్రియ, నమోదు విధానం, బిడ్డర్ల భాగస్వామ్య మార్గదర్శకాల గురించి ఎంఎస్‌టీసీ ప్రతినిధి సిద్ధార్థ్ వివరించారు. 

కేపీఎంజీ ప్రతినిధి కళ్యాణ్ మేడిపల్లి లేఅవుట్ ప్రత్యేకతలు, ముఖ్యమైన అంశాలను పవర్‌పాయింట్ ప్రజెంటేషన్ ద్వారా ప్రదర్శించారు.

పరస్పర చర్చా కార్యక్రమానికి ప్రజల నుంచి విశేష స్పందన లభించడంతో సమావేశం విజయవంతంగా ముగిసింది.