*లేఔట్ సర్వేకు రూ.30 లక్షలు డిమాండ్.. రూ.20 లక్షల లంచంతో ఏసీబీకి చిక్కిన తహసీల్దార్, మండల సర్వేయర్*

 *లేఔట్ సర్వేకు రూ.30 లక్షలు డిమాండ్.. రూ.20 లక్షల లంచంతో ఏసీబీకి చిక్కిన తహసీల్దార్, మండల సర్వేయర్*

*రంగారెడ్డి, అక్టోబర్ 12:* రంగారెడ్డి జిల్లాలో భారీ లంచం వ్యవహారం బయటపడింది. అబ్దుల్లాపూర్ మెట్ మండలానికి చెందిన తహసీల్దార్, మండల సర్వేయర్ ఏకంగా రూ.20 లక్షలు లంచం తీసుకుంటూ ఏసీబీకి రెడ్ హ్యాండెడ్ గా పట్టుబడ్డారు.

*ఏసీబీ ప్రెస్ నోట్ నెం.155 ప్రకారం..*

*నిందితులు:*

*AO-1: శ్రీ బతుకా శ్రీనివాసులు, మండల సర్వేయర్, అబ్దుల్లాపూర్ మెట్*

*AO-2: శ్రీ బి. సుదర్శన్ రెడ్డి, తహసీల్దార్, అబ్దుల్లాపూర్ మెట్, రంగారెడ్డి జిల్లా*

అక్టోబర్ 12, 2026 సాయంత్రం సీఐయూ ఏసీబీ అధికారులు ఈ దాడి చేశారు. అబ్దుల్లాపూర్ మెట్ గ్రామం, మండలం సమీపంలో AO-1 శ్రీనివాసులును లంచం తీసుకుంటుండగా పట్టుకున్నారు.

*అసలేం జరిగింది?*

ఫిర్యాదుదారుడి లేఔట్ కు సంబంధించి HMDA మార్గదర్శకాల ప్రకారం సర్వే నిర్వహించి, జాయింట్ ఇన్ స్పెక్షన్ సర్వే రిపోర్ట్ ఇవ్వడానికి ఇద్దరు అధికారులు లంచం డిమాండ్ చేశారు. మొదట రూ.30 లక్షలు అడిగి, చివరకు రూ.20 లక్షలకు బేరం కుదుర్చుకున్నారు.

తహసీల్దార్ సుదర్శన్ రెడ్డి సూచనల మేరకు మండల సర్వేయర్ శ్రీనివాసులు ఫిర్యాదుదారుడి నుండి రూ.20 లక్షలు తీసుకుంటుండగా ఏసీబీ వలపన్నింది.

నిందితుడి వద్ద నుండి రూ.20 లక్షల లంచం సొమ్మును స్వాధీనం చేసుకున్నారు. కెమికల్ టెస్ట్ లో AO-1 రెండు చేతి వేళ్లు పాజిటివ్ గా తేలాయి. ఇద్దరు అధికారులు తమ ప్రభుత్వ విధులను సక్రమంగా నిర్వర్తించకుండా అక్రమ లబ్ధి కోసం వ్యవహరించారని ఏసీబీ పేర్కొంది.

ఇద్దరు నిందితులను అరెస్టు చేసి హైదరాబాద్ నాంపల్లిలోని ప్రిన్సిపల్ స్పెషల్ జడ్జి ఫర్ SPE & ACB కేసుల కోర్టులో హాజరుపరచనున్నారు. కేసు దర్యాప్తులో ఉంది.