*తెలంగాణలో RTI అమలుపై కీలక PIL*

 *తెలంగాణలో RTI అమలుపై కీలక PIL*  

*నేడు హైకోర్టులో విచారణ - ఆన్‌లైన్ పోర్టల్, వర్చువల్ విచారణలపై దృష్టి*

*హైదరాబాద్:* తెలంగాణలో సమాచార హక్కు చట్టం - RTI 2005 అమలును మరింత పటిష్టం చేయాలని కోరుతూ దాఖలైన ప్రజా ప్రయోజన వ్యాజ్యం W.P. (PIL) No. 18 of 2026 పై *నేడు* తెలంగాణ హైకోర్టులో విచారణ జరగనుంది.

గౌరవ ప్రధాన న్యాయమూర్తి నేతృత్వంలోని డివిజన్ బెంచ్ ఈ పిల్ ను విచారించనుంది. ఈ పిల్ ను _బానప్పగారి వినయ్ రెడ్డి_ పార్టీ-ఇన్-పర్సన్ గా దాఖలు చేశారు.

*PIL లో ప్రధాన డిమాండ్లు ఏంటి?*  

ఈ పిల్ లో ప్రధానంగా 3 అంశాలను ప్రస్తావించారు:

1. *RTI ఆన్‌లైన్ పోర్టల్ సమర్థవంత అమలు:* RTI దరఖాస్తులు, అప్పీళ్లను ఆన్‌లైన్ ద్వారా సులభంగా వేసేలా పోర్టల్ ను పూర్తిస్థాయిలో అందుబాటులోకి తేవాలి.

2. *వర్చువల్/హైబ్రిడ్ విచారణలు:* తెలంగాణ సమాచార కమిషన్ లో భౌతికంగా హాజరుకాకుండానే వర్చువల్ లేదా హైబ్రిడ్ విధానంలో విచారణలు నిర్వహించాలి. 

3. *పౌరులకు సులభ సమాచారం:* ప్రభుత్వ సమాచారాన్ని పౌరులకు వేగంగా, సులభంగా అందించే విధానాలను రూపొందించాలి.

*ఎందుకు ప్రాధాన్యత?*  

పారదర్శకత, జవాబుదారీతనం, ప్రభుత్వ సేవలను డిజిటల్ విధానంలో ప్రజలకు చేరువ చేయడం వంటి అంశాలు ఈ కేసుతో ముడిపడి ఉన్నాయి. దీంతో ఈ విచారణకు విశేష ప్రాధాన్యత ఏర్పడింది.

*ఎవరిపై ప్రభావం?*  

ఈ కేసు ఫలితం RTI దరఖాస్తుదారులకు మాత్రమే కాకుండా, ప్రభుత్వ శాఖలు, ప్రజా సమాచార అధికారులు - PIOలు, మొదటి అప్పీల్ అధికారులు, తెలంగాణ సమాచార కమిషన్ పనితీరుపైనా ప్రభావం చూపనుంది. 

ముఖ్యంగా ఆన్‌లైన్ ద్వారా దరఖాస్తులు, అప్పీళ్లు, విచారణలు తప్పనిసరి చేయాలా? సమాచారాన్ని వేగంగా అందించడానికి ఎలాంటి మార్గదర్శకాలు ఇవ్వాలి అనే అంశాలపై కోర్టు చేసే వ్యాఖ్యలపై అందరి దృష్టి నెలకొంది.

*నేటి* విచారణలో కోర్టు ఏ మేరకు ఆదేశాలు ఇస్తుందో వేచి చూడాలి.

_- గుడాచారి.పేజ్_