*క్రీడలకు సీఎం రేవంత్ రెడ్డి ప్రభుత్వం పెద్దపీట – ప్రతిభను చాటుతున్న తెలంగాణ బ్యాడ్మింటన్ క్రీడాకారులు* - ఉప్పల శ్రీనివాస్ గుప్త

 *క్రీడలకు సీఎం రేవంత్ రెడ్డి ప్రభుత్వం పెద్దపీట – ప్రతిభను చాటుతున్న తెలంగాణ బ్యాడ్మింటన్ క్రీడాకారులు* - ఉప్పల శ్రీనివాస్ గుప్త

*గోపీచంద్, సైనా నెహ్వాల్‌లను ఆదర్శంగా తీసుకుని అంతర్జాతీయ స్థాయిలో రాణించాలి*

- *ఉప్పల శ్రీనివాస్ గుప్త*

*జాతీయ స్థాయికి ఎంపికైన క్రీడాకారులకు అభినందనలు*

తెలంగాణ రాష్ట్రంలో క్రీడలకు ముఖ్యమంత్రి శ్రీ రేవంత్ రెడ్డి నాయకత్వంలోని కాంగ్రెస్ ప్రభుత్వం అధిక ప్రాధాన్యత ఇస్తూ క్రీడాకారులను ప్రోత్సహిస్తోందని బ్యాడ్మింటన్ అసోసియేషన్ ఆఫ్ మేడ్చల్ మల్కాజిగిరి జిల్లా అధ్యక్షుడు, తెలంగాణ బ్యాడ్మింటన్ అసోసియేషన్ వైస్ ప్రెసిడెంట్ ఉప్పల శ్రీనివాస్ గుప్త అన్నారు.

గచ్చిబౌలిలోని సాయి గోపీచంద్ నేషనల్ బ్యాడ్మింటన్ అకాడమీలో నిర్వహించిన YONEX-SUNRISE G.H. RAISONI MEMORIAL 5వ తెలంగాణ స్టేట్ మినీ బ్యాడ్మింటన్ ఛాంపియన్‌షిప్–2026కు ముగింపు కీ ఉప్పల శ్రీనివాస్ గుప్త హాజరై క్రీడాకారులను అభినందించారు. ఈ రాష్ట్రస్థాయి పోటీల్లో తెలంగాణలోని వివిధ ప్రాంతాల నుంచి సుమారు 280 మంది చిన్నారులు, యువ క్రీడాకారులు పాల్గొన్నారు.

ఈ సందర్భంగా ఆయన మాట్లాడుతూ, రాష్ట్రంలోని ప్రతిభావంతులైన క్రీడాకారులను చిన్న వయస్సులోనే గుర్తించి వారికి మెరుగైన శిక్షణ, అవసరమైన వసతులు, ప్రోత్సాహం అందిస్తే వారు జాతీయ, అంతర్జాతీయ స్థాయిలో రాణించి తెలంగాణకు మంచి పేరు తీసుకురాగలరని అన్నారు.

తెలంగాణ బ్యాడ్మింటన్ అసోసియేషన్ రాష్ట్ర అధ్యక్షుడు, మంత్రి శ్రీధర్ బాబు సహకారంతో రాష్ట్రంలో బ్యాడ్మింటన్ క్రీడకు మరింత ప్రోత్సాహం లభిస్తోందని ఆయన పేర్కొన్నారు. చిన్నతనం నుంచే పిల్లలను క్రీడల వైపు ప్రోత్సహించడం ద్వారా భవిష్యత్‌లో మరెంతో మంది ప్రతిభావంతులైన క్రీడాకారులను తయారు చేయవచ్చని తెలిపారు.

గోపీచంద్, సైనా నెహ్వాల్‌లే స్ఫూర్తి

తెలంగాణ నుంచి ఇప్పటికే పుల్లెల గోపీచంద్, సైనా నెహ్వాల్ వంటి ప్రముఖ బ్యాడ్మింటన్ క్రీడాకారులు దేశానికి, రాష్ట్రానికి గొప్ప పేరు తీసుకువచ్చారని ఉప్పల శ్రీనివాస్ గుప్త గుర్తుచేశారు. వారిని ఆదర్శంగా తీసుకుని నేటి చిన్నారులు కష్టపడి శిక్షణ పొందుతూ భవిష్యత్‌లో జాతీయ, అంతర్జాతీయ స్థాయిలో రాణించాలని ఆకాంక్షించారు.

క్రీడల్లో గెలుపోటములు సహజమని, ప్రతి పోటీ నుంచి అనుభవాన్ని నేర్చుకుని క్రమశిక్షణ, పట్టుదల, ఆత్మవిశ్వాసంతో ముందుకు సాగాలని క్రీడాకారులకు సూచించారు.

జాతీయ స్థాయికి ఎంపికైన క్రీడాకారులకు అభినందనలు

ఛాంపియన్‌షిప్‌లో ప్రతిభ కనబరిచిన పలువురు క్రీడాకారులు జాతీయ స్థాయి పోటీలకు ఎంపిక కావడం పట్ల ఉప్పల శ్రీనివాస్ గుప్త హర్షం వ్యక్తం చేశారు. విజేతలకు, జాతీయ స్థాయికి ఎంపికైన క్రీడాకారులకు బహుమతులు, ప్రశంసా పత్రాలు అందజేసి అభినందనలు తెలిపారు. 

భవిష్యత్‌లో మరిన్ని విజయాలు సాధించి తెలంగాణకు కీర్తి తీసుకురావాలని ఆకాంక్షించారు.

ఈ సందర్భంగా ఛాంపియన్‌షిప్ నిర్వాహకులు, కోచ్‌లు, అసోసియేషన్ ప్రతినిధులతో ఉప్పల శ్రీనివాస్ గుప్త ముచ్చటించి పోటీల నిర్వహణ, క్రీడాకారులకు అందుతున్న శిక్షణ తదితర అంశాలను తెలుసుకున్నారు.

బాయ్స్ సింగిల్స్ (BS)

* 🥇 విజేత: అనిష్ బొల్లు — రంగారెడ్డి

* 🥈 రన్నర్: వేదాన్ష్ రెడ్డి విప్పగుంట — వికారాబాద్

* 🥉 3వ స్థానం: ఇషాన్ సాయి దాసరి — మేడ్చల్

* 4వ స్థానం: నందన్ కొల్లి — హైదరాబాద్

గర్ల్స్ సింగిల్స్ (GS)

* 🥇 విజేత: నిధిత రెడ్డి కటుకూరి — వరంగల్

* 🥈 రన్నర్: శ్రీనిక గంప — మేడ్చల్

* 🥉 3వ స్థానం: ఆహ్లా భరత్ అసిత్తుగారి — వికారాబాద్

* 4వ స్థానం: నాగవల్లి బుర్ర — హైదరాబాద్

బాయ్స్ డబుల్స్ (BD)

* 🥇 విజేతలు: శ్రీహాన్ కోటగిరి — సంగారెడ్డి; వేదాన్ష్ రెడ్డి విప్పగుంట — వికారాబాద్

* 🥈 రన్నర్స్: అనిష్ బొల్లు — రంగారెడ్డి; అన్షు శ్రేయాన్ బొంగు — నల్గొండ

* 🥉 3వ స్థానం: దేవాంశ్ సర్పూర్ — హైదరాబాద్; శ్రీ లిఖిత్ G — హైదరాబాద్

గర్ల్స్ డబుల్స్ (GD)

* 🥇 విజేతలు: నిధిత రెడ్డి కటుకూరి — వరంగల్; శ్రీనిక గంప — మేడ్చల్

* 🥈 రన్నర్స్: సాన్వి చెలూరు — హైదరాబాద్; శ్రేయ యాదవ్ — హైదరాబాద్

* 🥉 3వ స్థానం: ఆకృతి ప్రియా బయ్యరపు — రంగారెడ్డి; మారీడు నిత్య శ్రీ — రంగారెడ్డి

ఈ కార్యక్రమంలో బ్యాట్మెంటన్ అసోసియేషన్ ఆఫ్ తెలంగాణ సలహాదారుడు లక్ష్మణ్ గారు సహాయ కార్యదర్శి మనోజ్ గారు, మేడ్చల్ మల్కాజ్ గిరి జిల్లా కోశాధికారి హర్ష వికాష్ గారు, కుమార్ నవీన్ గుప్త నరేష్ గుప్త గారు కోశాధికారి సీతాళ్ కోచ్ లు క్రీడాకారుల తల్లితండ్రులు తదితరులు పాల్గొన్నారు.