గూఢచారి న్యూస్ - GUDACHARI NEWS

 రూ.50 కోట్లకు పైగా వసూలు చేసి పరార్.. పోలీసులకు బాధితుల ఫిర్యాదు మల్కాజిగిరి, కుషాయిగూడ భగవాన్ కాలనీకి చెందిన పబ్బా చంద్రశేఖర్ (50)పై సుమారు 80 మంది బాధితులు మల్కాజిగిరి పోలీస్ కమిషనర్‌కు ఫిర్యాదు చేశారు. వివిధ కారణాలు చూపిస్తూ, అధిక వడ్డీ ఇస్తానని నమ్మించి, వ్యక్తిగత రుణాల పేరుతో మొత్తం రూ.50 కోట్లకు పైగా సేకరించి పరారైనట్లు ఫిర్యాదులో పేర్కొన్నారు. ఫిర్యాదు ప్రకారం, పబ్బా చంద్రశేఖర్ గత 30 ఏళ్లుగా శ్రీ వెంకటేశ్వర మార్కెటింగ్ పేరుతో సిమెంట్ డీలర్‌గా వ్యాపారం నిర్వహించడమే కాకుండా ఆల్ ఇండియా వైశ్య ఫెడరేషన్ (AIVF) ప్రధాన కార్యదర్శిగా కూడా పనిచేశారు. తన కుమార్తె వివాహం, తండ్రి వైద్యం, ఇల్లు నిర్మాణం, సిమెంట్ కంపెనీల ప్రత్యేక పథకాలు, జీఎస్టీ చెల్లిస్తే భారీ మొత్తం విడుదల అవుతుందని వంటి వివిధ కారణాలు చూపించి పలువురి నుంచి డబ్బులు తీసుకున్నట్లు బాధితులు ఆరోపించారు. జూన్ 22 నుంచి ఆయన మొబైల్ ఫోన్లు స్విచ్ ఆఫ్‌లో ఉండగా, భార్యతో కలిసి కనిపించకుండా పోయినట్లు ఫిర్యాదులో తెలిపారు. వెళ్లే ముందు ఇద్దరు కుమార్తెలను తన తమ్ముడి ఇంట్లో వదిలి వెళ్లారని, స్విట్జర్లాండ్‌కు వెళ్లారని తప్పుడు సమాచారం ఇచ్చ...

  నల్లగొండ నారాయణ స్కూల్‌లో విద్యార్థిపై దాడి అమానుషం: బీజేపీ కార్మిక విభాగం జిల్లా అధ్యక్షుడు ఐతరాజు సిద్దు నల్లగొండ: నల్లగొండలోని నారాయణ స్కూల్‌లో ఒకటో తరగతి విద్యార్థిపై జరిగిన దాడి అత్యంత అమానుషమని బీజేపీ కార్మిక విభాగం జిల్లా అధ్యక్షుడు ఐతరాజు సిద్దు తీవ్రంగా ఖండించారు. ఈ సందర్భంగా ఆయన మాట్లాడుతూ, విద్యార్థులపై దాడులు చేయడం నారాయణ స్కూల్‌లో పరిపాటిగా మారిందని ఆరోపించారు. బ్రాండ్ పేరుతో విద్యను వ్యాపారంగా మార్చి, అర్హత లేని వ్యక్తులను అధ్యాపకులుగా నియమిస్తున్నారని, తల్లిదండ్రుల నుంచి అధిక ఫీజులు వసూలు చేయడంతో పాటు పుస్తకాల కొనుగోలులోనూ దోపిడీకి పాల్పడుతున్నారని విమర్శించారు. విద్యార్థులు, తల్లిదండ్రులను బెదిరించే పరిస్థితులు నెలకొన్నాయని ఆరోపించారు. ఒకటో తరగతి విద్యార్థిపై దాడి చేయడం అత్యంత దుర్మార్గమైన చర్య అని పేర్కొన్న ఆయన, ఈ ఘటనపై సంబంధిత అధికారుల ద్వారా సమగ్ర విచారణ జరిపించి బాధ్యులపై కఠిన చర్యలు తీసుకోవాలని డిమాండ్ చేశారు. అలాగే, నారాయణ స్కూల్‌కు సంబంధించిన అనుమతులను తక్షణమే సమీక్షించి, నిబంధనలు ఉల్లంఘించినట్లు తేలితే పర్మిషన్లు రద్దు చేయాలని కోరారు. భవిష్యత్తులో ఇలాంటి ఘ...

 కొణిజేటి రోశయ్య ఆశయ సాధనకు అందరూ కృషి చేయాలి: ఉప్పల శ్రీనివాస్ గుప్త * ఘనంగా మాజీ ముఖ్యమంత్రి రోశయ్య 93వ జయంతి వేడుకలు * రవీంద్రభారతిలో చిత్రపటానికి నివాళులర్పించిన ప్రముఖులు * ఆర్య వైశ్య కార్పొరేషన్ ఏర్పాటుపై సీఎం రేవంత్ రెడ్డికి కృతజ్ఞతలు హైదరాబాద్ (గూఢచారి న్యూస్): రాజకీయాల్లో నిజాయితీ, నిబద్ధత, నిరాడంబరతకు ప్రతీకగా నిలిచిన దివంగత మహానేత, మాజీ ముఖ్యమంత్రి కొణిజేటి రోశయ్య గారి ఆశయ సాధనకు ప్రతి ఒక్కరూ కృషి చేయాలని టీపీసీసీ (TPCC) ప్రధాన కార్యదర్శి, అంతర్జాతీయ ఆర్య వైశ్య ఫెడరేషన్ జాతీయ వర్కింగ్ ప్రెసిడెంట్ మరియు రాష్ట్ర అధ్యక్షుడు ఉప్పల శ్రీనివాస్ గుప్త పిలుపునిచ్చారు. కొణిజేటి రోశయ్య గారి 93వ జయంతిని పురస్కరించుకొని హైదరాబాద్ లక్డీకాపూల్‌లోని ఆయన విగ్రహానికి పూలమాల వేసి ఘనంగా నివాళులు అర్పించారు. అనంతరం హైదరాబాద్‌లోని రవీంద్ర భారతిలో భాషా సాంస్కృతిక శాఖ, తెలంగాణ ప్రభుత్వం మరియు కొణిజేటి రోశయ్య మెమోరియల్ ట్రస్ట్ సంయుక్తాధ్వర్యంలో నిర్వహించిన జయంతి సభకు ఆయన హాజరయ్యారు. ఈ కార్యక్రమంలో మాజీ ఎంపీ కేవీపీ రామచంద్రరావు, రాష్ట్ర మంత్రులు పొన్నం ప్రభాకర్, వివేక్ వెంకటస్వామి, టీపీసీసీ అధ్య...

  ఆదాయానికి మించిన ఆస్తుల కేసు.. DSP ఎస్. భీమ్ రెడ్డి ఆస్తులపై ఏసీబీ సోదాలు హైదరాబాద్, జూలై 2: తెలంగాణ అవినీతి నిరోధక శాఖ (ఏసీబీ) గురువారం డీఎస్పీ ఎస్. భీమ్ రెడ్డికి చెందిన నివాసాలు, ఇతర ఆస్తులపై ఏకకాలంలో సోదాలు నిర్వహించింది. ఆదాయానికి మించిన ఆస్తులు కూడబెట్టినట్లు వచ్చిన ఆరోపణల నేపథ్యంలో ఈ సోదాలు చేపట్టినట్లు తెలిసింది. హైదరాబాద్‌తో పాటు మొత్తం 20 ప్రాంతాల్లో ఏసీబీ బృందాలు తనిఖీలు నిర్వహిస్తున్నాయి. సోదాల సందర్భంగా ఆస్తులకు సంబంధించిన పత్రాలు, ఆర్థిక లావాదేవీల వివరాలు, ఇతర రికార్డులను అధికారులు పరిశీలిస్తున్నారు. సుమారు రూ.8 కోట్ల విలువైన విల్లాలు కూడా పరిశీలనలో ఉన్నట్లు ఏసీబీ వర్గాలు తెలిపినప్పటికీ, అక్రమాస్తుల విలువ లేదా స్వాధీనం చేసుకున్న ఆస్తుల వివరాలపై ఇప్పటివరకు అధికారిక ప్రకటన వెలువడలేదు. సోదాలు కొనసాగుతున్నందున పూర్తి వివరాలను అనంతరం వెల్లడించే అవకాశం ఉంది.

IVF నుంచి పబ్బా చంద్రశేఖర్ ఔట్.. ప్రధాన సభ్యత్వంతో పాటు కీలక పదవులకు ఉద్వాసన హైదరాబాద్, జూన్ 27: ఇంటర్నేషనల్ వైశ్ ఫెడరేషన్ (IVF) తెలంగాణ–ఆంధ్రప్రదేశ్ రాష్ట్ర కమిటీ కీలక నిర్ణయం తీసుకుంది. సంస్థ జనరల్ సెక్రటరీగా ఉన్న పబ్బా చంద్రశేఖర్, మహిళా విభాగం అడ్వైజర్‌గా ఉన్న ఆయన సతీమణి పబ్బా స్వప్నలను వారి పదవుల నుంచి తొలగించినట్లు అధికారికంగా ప్రకటించింది. శనివారం (జూన్ 27, 2026) నుంచి అమల్లోకి వచ్చేలా వారిని సంస్థ ప్రాథమిక సభ్యత్వం నుంచి కూడా తొలగించినట్లు విడుదల చేసిన ప్రకటనలో పేర్కొంది. ఈ నిర్ణయం రాష్ట్ర గవర్నింగ్ బాడీ తీర్మానం మేరకు "కొన్ని అనివార్య కారణాల వల్ల" తీసుకున్నట్లు వెల్లడించింది.  అంతేకాకుండా, పబ్బా చంద్రశేఖర్‌ను IVF బెనారస్ ఆనంద నిలయం–వారణాసి మేనేజింగ్ ట్రస్టీ, అలాగే వాసవి ఆనంద నిలయం–తిరుపతి ఆర్గనైజింగ్ సెక్రటరీ బాధ్యతల నుంచి కూడా తొలగించినట్లు తెలిపింది. ఈ ప్రకటనపై సెంట్రల్ కమిటీ ఛైర్మన్ అడ్వైజరీ బోర్డ్ గంజి రాజమౌళి గుప్తా, IVF తెలంగాణ రాష్ట్ర అధ్యక్షుడు ఉప్పల శ్రీనివాస్ గుప్తా సంతకాలు చేశారు.

  జూలై 9న వర్కింగ్ జర్నలిస్టుల మహాసభ  - జిల్లా అధ్యక్ష కార్యదర్శులు యాదగిరి, విష్ణు సంగారెడ్డి: సంగారెడ్డి జిల్లా తెలంగాణ స్టేట్ యూనియన్ ఆఫ్ వర్కింగ్ జర్నలిస్ట్ (టియుడబ్ల్యూజేఐజేయు) మహాసభ వచ్చే నెల 9వ తేదీన సంగారెడ్డి లోని టీఎన్జీవో భవన్ లో జరుగుతుందని జిల్లా అధ్యక్షుడు బండారు యాదగిరి, ప్రధాన కార్యదర్శి విష్ణు ప్రసాద్ తెలిపారు. జర్నలిస్టులు ఎదుర్కొంటున్న సమస్యలపై ఈ సమావేశంలో చర్చించడం జరుగుతుందని అన్నారు. ముఖ్యంగా అర్హులైన వారికి ఇంటి స్థలం తో పాటు హెల్త్ కార్డును ఇవ్వాల్సిందిగా ప్రభుత్వాన్ని ఎప్పటినుంచో కోరుతున్నామని అన్నారు. ప్రభుత్వాలు మారినప్పటికీ, జర్నలిస్టులకు న్యాయం జరగడం లేదని తెలిపారు. అంతేకాకుండా మిగిలిన వారందరికీ కూడా అక్రిడేషన్ కార్డులను జారీ చేయాల్సిందిగా తమ సంఘం తరఫున డిమాండ్ చేస్తున్నామని వివరించారు. ఈ సమస్యలన్నింటిపై చర్చించడానికి జిల్లా మహాసభను పెద్ద ఎత్తున నిర్వహిస్తున్నామని అన్నారు. జూలై 9న ఉదయం 11 గంటలకు మహాసభ ప్రారంభమవుతుందని చెప్పారు. రాష్ట్ర అధ్యక్షుడు విరాహత్ అలీ, రాష్ట్ర ప్రధాన కార్యదర్శి రామ్ నారాయణ, రాష్ట్ర ఉపాధ్యక్షుడు ఎం ఏ కే పైసల్ తో పాటు సంఘం రాష...

  తెలంగాణ రాష్ట్ర ఆర్యవైశ్య మహాసభ కార్యవర్గ సమావేశంలో అన్ని ఎజెండా అంశాలకు ఆమోదం - సీనియర్ ఉపాధ్యక్షుడు ఊరే లక్ష్మణ్ హైదరాబాద్, జూన్ 27: తెలంగాణ రాష్ట్ర ఆర్యవైశ్య మహాసభ కార్యవర్గ సమావేశం శనివారం హైదరాబాద్‌లోని ఆర్యవైశ్య భవన్‌లో అధ్యక్షుడు అమరావాది లక్ష్మీనారాయణ అధ్యక్షతన నిర్వహించారు. సమావేశంలో ముందుగా గత సమావేశాల తీర్మానాలను ధృవీకరించడంతో పాటు సంస్థ పరిపాలన, సభ్యత్వ విస్తరణ, జిల్లా కమిటీల ఏర్పాటు, మహాసభ భవిష్యత్ కార్యాచరణ, ఆర్థిక వ్యవహారాలు, సేవా కార్యక్రమాలు, సంస్థ బలోపేతానికి సంబంధించిన పలు కీలక అంశాలపై విస్తృతంగా చర్చించారు. ఈ సందర్భంగా సమావేశ ఎజెండాలో పొందుపరిచిన మొత్తం 15 అంశాలను ఏకగ్రీవంగా ఆమోదించినట్లు తెలంగాణ రాష్ట్ర ఆర్యవైశ్య మహాసభ సీనియర్ ఉపాధ్యక్షుడు ఊరే లక్ష్మణ్ తెలిపారు. అలాగే జూలై 4న నిర్వహించనున్న మహాసభ ప్రతిష్ఠాత్మక కార్యక్రమాల ఏర్పాట్లు, సభ్యత్వ నమోదు, జిల్లా కమిటీల బలోపేతం, వివిధ సేవా కార్యక్రమాల అమలుకు సంబంధించిన నిర్ణయాలను కూడా కార్యవర్గం ఆమోదించినట్లు ఆయన వెల్లడించారు. సంస్థ అభివృద్ధి, ఆర్యవైశ్య సమాజ సంక్షేమం, రాష్ట్రవ్యాప్తంగా మహాసభ కార్యకలాపాల విస్తరణకు ఈ సమ...