*అమెరికాలో ఘనంగా టీసీఏ వనభోజనాలు, తెలంగాణ ఆవిర్భావ వేడుకలు*

*అమెరికాలో ఘనంగా టీసీఏ వనభోజనాలు, తెలంగాణ ఆవిర్భావ వేడుకలు*

*కుపర్టినో, కాలిఫోర్నియా, మే 31, 2026:* శాన్‌ఫ్రాన్సిస్కో బే ఏరియాలోని కుపర్టినోలో తెలంగాణ కల్చరల్ అసోసియేషన్ (TCA) ఆధ్వర్యంలో వార్షిక వనభోజనాలు సమ్మర్ పిక్నిక్, తెలంగాణ ఆవిర్భావ దినోత్సవ వేడుకలు అత్యంత వైభవంగా జరిగాయి. వందలాది కుటుంబాలు, కమ్యూనిటీ నాయకులు, స్వచ్ఛంద సంస్థల ప్రతినిధులు ఈ వేడుకలో పాల్గొని తెలంగాణ సంస్కృతి, సంప్రదాయాలను చాటిచెప్పారు.

*తెలంగాణ రుచులు అమెరికాలో:*  

ఈ వనభోజనాల్లో ఇంటి వంటకాల పాట్‌లక్ ప్రత్యేక ఆకర్షణగా నిలిచింది. తెలంగాణ నుండి ప్రత్యేకంగా విమానంలో తెప్పించిన సకినాలు అందరినీ అలరించాయి. అక్కడికక్కడే వేడివేడిగా తయారుచేసిన సర్వపిండి, దానితో పాటు నిలోఫర్ స్టైల్ ఇరానీ చాయ్ కాంబినేషన్ పాల్గొన్నవారిని ఎంతగానో ఆకట్టుకుంది. హైదరాబాదీ వంటకాలు, సమోసాలు, ఇతర చిరుతిళ్లతో వేడుకకు తెలంగాణ శోభ సంతరించుకుంది.

*వాలంటీర్ల సేవలకు ప్రశంసలు:*  

TCA సౌత్ బే నాయకత్వ బృందం అంజనేయులు పి, గోపీకృష్ణ జి, శ్రీధర్ జి లతో పాటు అనంత్ ఎ, అశోక్ సి, భాస్కర్ ఎం, సుధీర్ జి, మాధవ్ కె, రాజ్‌కుమార్ ఎం, సతీష్ ఎ, ఉదయ్ జె, యాదగిరి ఎ, మహేష్ డి, వెంకటేశ్వర్లు వి, మహేశ్వర్ బి, సుధాకర్ బి (గల్లీ మల్లీ), సునీల్ జి, సతీష్ కె తదితర వాలంటీర్ల కృషిని TCA ఎగ్జిక్యూటివ్ టీం కొనియాడింది. ప్రణాళిక, వంటల ఏర్పాట్లు, నిర్వహణలో వారి నిస్వార్థ సేవలే ఈ వేడుక విజయానికి మూలమని TCA కార్యవర్గ సభ్యులు ధనుంజయ బి, శ్రీనివాస జి, మహిపాల్ ఎ, వినోయ్ ఎం, సాగర్ కె, విజయ సి తెలిపారు.

*యువత ఉత్సాహం:*  

యువ వాలంటీర్లు చురుగ్గా పాల్గొని ఆటపాటలతో, సేవా కార్యక్రమాలతో వేడుకకు కొత్త ఉత్సాహం తెచ్చారు. వారి నాయకత్వ లక్షణాలను అందరూ అభినందించారు.

*స్పాన్సర్లు, మీడియా మద్దతు:*  

మైపురుషు, సాగర్ కొత్త రియల్ ఎస్టేట్ గురు, అవాచి బిర్యానీ హౌస్ కుపర్టినో, అసెండ్ స్పీచ్ అండ్ డిబేట్ సంస్థలు స్పాన్సర్లుగా నిలిచాయి. తెలంగాణ టైమ్స్, CNBC18 మీడియా భాగస్వాములుగా సహకారం అందించాయి. కుపర్టినో సిటీ కౌన్సిల్, AIA, BATA, AMANA, పాఠశాల తదితర సంస్థలు కూడా పాల్గొని సంఘీభావం తెలిపాయి.

*పాల్గొన్నవారి స్పందన:*  

"ఇంటి వంటకాలు, సర్వపిండి, ఇరానీ చాయ్‌తో తెలంగాణను అమెరికాలో చూసినట్టు అనిపించింది. TCA నిర్వహణ అద్భుతం" అని పలువురు పాల్గొన్నవారు తమ అనుభూతిని పంచుకున్నారు.

*TCA గురించి:*  

22 ఏళ్ల చరిత్ర కలిగిన తెలంగాణ కల్చరల్ అసోసియేషన్ తెలంగాణ సంస్కృతిని పరిరక్షిస్తూ, తరాల మధ్య అనుబంధాన్ని పెంచే కార్యక్రమాలు నిర్వహిస్తోంది.