TGPCBలో పరిశ్రమల భద్రతపై కీలక సమావేశం

 

TGPCBలో పరిశ్రమల భద్రతపై కీలక సమావేశం

అగ్ని ప్రమాదాల నివారణకు LDAR అధ్యయనంపై ప్రత్యేక దృష్టి

హైదరాబాద్, జూన్ 20 (గూఢచారి): పరిశ్రమల్లో జరుగుతున్న అగ్ని ప్రమాదాలను తగ్గించడం, రసాయన లీకేజీలను నియంత్రించడం, వాతావరణ కాలుష్యాన్ని నివారించడం లక్ష్యంగా తెలంగాణ కాలుష్య నియంత్రణ మండలి (TGPCB) శనివారం కీలక సమావేశాన్ని నిర్వహించింది.

TGPCB సభ్య కార్యదర్శి అధ్యక్షతన జరిగిన ఈ సమావేశంలో ఇండియన్ ఇన్‌స్టిట్యూట్ ఆఫ్ కెమికల్ ఇంజినీర్స్ (IIChE) నిపుణులు, పరిశ్రమల ప్రతినిధులు, కేంద్ర పర్యావరణ మంత్రిత్వ శాఖ (MoEF) గుర్తింపు పొందిన ప్రయోగశాలల ప్రతినిధులు పాల్గొన్నారు.

సమావేశంలో Leak Detection and Repair (LDAR) అధ్యయనం ప్రాముఖ్యత, పరిశ్రమల్లో జరుగుతున్న అగ్ని ప్రమాదాల కారణాలు, వాటి నివారణకు తీసుకోవాల్సిన చర్యలపై విస్తృతంగా చర్చించారు.

IIChE నిపుణులు మాట్లాడుతూ ప్రతి పరిశ్రమలో అర్హత కలిగిన సాంకేతిక సిబ్బంది ఉండాలని, రసాయనాల నిర్వహణ, లీకేజీల గుర్తింపు, నియంత్రణ, అలాగే Volatile Organic Compounds (VOCs) వాతావరణంలోకి విడుదల కాకుండా తీసుకోవాల్సిన జాగ్రత్తలపై ఉద్యోగులకు నిరంతర శిక్షణ ఇవ్వాలని సూచించారు.

అలాగే పరిశ్రమల్లో భద్రతా ప్రమాణాలను కచ్చితంగా అమలు చేయడం ద్వారా ప్రమాదాలను గణనీయంగా తగ్గించవచ్చని నిపుణులు అభిప్రాయపడ్డారు.

ఈ సందర్భంగా ప్రొఫెసర్ Altaf Hussain, ఇతర కన్సల్టెంట్లు మరియు TGPCB అధికారులు LDAR అధ్యయనం అవసరం, పరిశ్రమల భద్రతా చర్యల ప్రాధాన్యంపై వివరించారు.

పరిశ్రమల భద్రత, పర్యావరణ పరిరక్షణ, ప్రమాదాల నివారణ కోసం TGPCB చేపడుతున్న చర్యల్లో ఈ సమావేశం కీలకంగా నిలుస్తుందని అధికారులు పేర్కొన్నారు.