*అతడసామాన్యుడు*.. టుబాకో కంట్రోల్ "హీరో".!

 *అతడసామాన్యుడు*..

టుబాకో కంట్రోల్ "హీరో".!

నేషనల్ టుబాకో కంట్రోల్ "హీరో"

సివిల్ సప్లైస్ డిటి *మాచన రఘునందన్* 

అతను.."చరిత్ర సృష్టిస్తా.!"అనుకోలేదు.కానీ

అతని నిస్వార్థ సేవ, అలుపెరుగని కృషి,పట్టుదల పొగాకు పై పోరాటం తో..జాతీయ స్థాయిలో అత్యున్నత "హీరో" అవార్డు కు ఎంపిక అయ్యేలా దోహదపడ్డాయి."సార్ నో స్మోకింగ్ ప్లీజ్.!" అని 

22 ఏళ్లుగా చేస్తూనే ఉన్న ప్రార్ధన కు యావత్ భారతం అవాక్కయింది. ఇలాంటి వారూ..ఇండియా లో ఉన్నారా?! అని ఆశ్చర్యం వ్యక్తం చేశారు ఏళ్ల అనుభం ఉన్న వైద్యులు. మేము రోగి కి చికిత్స చేస్తున్నాం. "మాచన" మాత్రం సమాజానికి చికిత్స చేస్తున్నారు.అని శ్లాఘించారు.

మిస్టర్ మాచన రఘునందన్ యు అర్ ఎ టుబాకో కంట్రోల్ "హీరో" అని పేర్కొన్నారు.

రఘునందన్ ఫోటో ను స్టాంప్ తీర్చి దిద్ది, ఓ వ్యక్తి హీరో ఎలా అయ్యారు, అంతర్జాతీయ స్థాయిలో ఎందరో టుబాకో కంట్రోల్ హీరో ల తో సరిసమానంగా చేరాడు..అని చెప్పడానికి ఓ అంతర్జాతీయ సంస్థ రఘునందన్ గురించి ఎంతో సమయాన్ని వెచ్చించింది. ఈ అంత ఆషా మాషి కాదు.

ఎక్స్ట్రార్డినరీ. అసాధారణం. ఓ సామాన్యుడు తన అసామాన్య కృషి తో సాధించిన ఫలితం.

కొందరు తమ కష్టంతో చరిత్రలో నిలుస్తారు. కానీ, నిశ్శబ్దంగా,ఎటువంటి హడావుడి లేకుండా సమాజానికి సేవ చేసే నిజమైన హీరోలు చాలా అరుదు.అలాంటి అరుదైన వ్యక్తిత్వం, ధూమపానం మరియు పొగాకు నియంత్రణ కోసం తన జీవితాన్ని అంకితం చేసిన వ్యక్తి మాచన రఘునందన్. ఒక ఉద్యోగి గా..డిప్యూటీ తాసిల్దార్‌గా నౌకరీ చేస్తున్న వ్యక్తి విలాసవంతమైన జీవితాన్ని కాదని, సమాజ శ్రేయస్సు కోసం అహర్నిశలు శ్రమించడం దేశ చరిత్ర లో నే ప్రథమం.ఒక అసాధారణ నాయకుడు రఘునందన్.

వైద్య వృత్తికి సంబంధం లేకపోయినా, పొగాకు నియంత్రణ కోసం 22 సంవత్సరాలుగా అవిశ్రాంతంగా పోరాడుతున్న ఆయన కృషిని అంతర్జాతీయ వేదిక రిసోర్స్ సెంటర్ ఫర్ టొబాకో కంట్రోల్ (ఆర్ సి టి సి)గుర్తించి,ఆయనకు దేశం లో పొగాకు నియంత్రణ లో నే అత్యున్నత స్థాయి గౌరవం ఇచ్చింది. "హీరో" అవార్డును ప్రదానం చేసింది. ఇది కేవలం ఒక వ్యక్తికి లభించిన గౌరవం కాదు, ఇది నిస్వార్థ సేవకు, అంకితభావానికి, మరియు సమాజం పట్ల ఉన్న బాధ్యతకు లభించిన గుర్తింపు.

సాధారణంగా, ఈ అవార్డు వైద్యులకు మాత్రమే లభిస్తుంది. కానీ, రఘునందన్ తన నిస్వార్థ సేవతో, ఈ సంప్రదాయాన్ని బద్దలు కొట్టారు. దేశవ్యాప్తంగా ఎంపికైన 15 మంది లో "మాచన" మాత్రమే వైద్యేతరుడు, దక్షిణాది రాష్ట్రాల నుంచి ఎంపికైన ఏకైక వ్యక్తి.

మాచన రఘునందన్ అనే పేరు ఇకపై ఒక అధికారి పేరు మాత్రమే కాదు, పొగాకు మహమ్మారికి వ్యతిరేకంగా పోరాడిన ఒక విప్లవ వీరుడి పేరు. ఆయన పొందిన "హీరో" అవార్డు కేవలం ఒక బహుమతి కాదు, నిస్వార్థ సేవకు లభించిన కిరీటం. ఆయన జీవితం, రేపటి తరం కోసం ఒక ఆదర్శం, ప్రేరణ.

రఘునందన్ సృష్టించిన ఈ "నిశ్శబ్ద విప్లవం" భవిష్యత్ తరాలకు ఒక ప్రేరణగా నిలుస్తుంది. ఆయన చేసిన సేవలు, మన చుట్టూ ఉన్న సమాజాన్ని మంచిగా మార్చడానికి మనలో ప్రతి ఒక్కరూ ఎలా కృషి చేయాలో తెలియజేస్తాయి. రఘునందన్ వంటి నిజమైన హీరోలు సమాజంలో ఉన్నంత కాలం, ఆశ, స్ఫూర్తి ఎప్పటికీ సజీవంగా ఉంటాయి. ఆయన కృషికి, అంకితభావానికి మనం ఎంత ప్రశంసించినా తక్కువే