*రెవెన్యూ రికార్డుల్లో పేరు సవరణకు రూ.22 వేలు లంచం.. మంచిర్యాల జిల్లా గ్రామ పాలనాధికారి ఏసీబీ వలలో*

 *రెవెన్యూ రికార్డుల్లో పేరు సవరణకు రూ.22 వేలు లంచం.. మంచిర్యాల జిల్లా గ్రామ పాలనాధికారి ఏసీబీ వలలో*

*మంచిర్యాల, అక్టోబర్ 29:* రెవెన్యూ రికార్డుల్లో పేరు సవరణకు లంచం డిమాండ్ చేసిన గ్రామ పాలనాధికారి ఏసీబీకి రెడ్ హ్యాండెడ్ గా దొరికాడు.

*ఏసీబీ ప్రెస్ నోట్ నెం.166 ప్రకారం..* ఆదిలాబాద్ రేంజ్ అధికారులు బుధవారం మంచిర్యాల జిల్లా మోసం గ్రామ పాలనాధికారి డి. శ్రీనివాస్ ను అరెస్ట్ చేశారు.

ఫిర్యాదుదారుడి తండ్రి పేరు రెవెన్యూ రికార్డుల్లో తప్పుగా నమోదు కావడంతో సవరణ కోసం దరఖాస్తు చేసుకున్నాడు. తండ్రి పేరు సరిచేసి, వ్యవసాయ భూమి వారసత్వం ఫిర్యాదుదారుడు, అతని సోదరుడికి వచ్చేలా పై అధికారులకు నివేదిక పంపేందుకు గ్రామ పాలనాధికారి రూ.22 వేలు లంచం డిమాండ్ చేశాడు.

ఏసీబీ వల వేయగా తన కార్యాలయంలోనే రూ.22 వేలు లంచం తీసుకుంటూ పట్టుబడ్డాడు. లంచం సొమ్మును నిందితుడి వద్ద నుంచి స్వాధీనం చేసుకున్నారు. తన అధికారాన్ని దుర్వినియోగం చేసి అధికారిక సహాయం చేసేందుకు లంచం తీసుకున్నట్లు ఏసీబీ నిర్ధారించింది.

నిందితుడిని కరీంనగర్ లోని ఏసీబీ ప్రత్యేక కోర్టులో జ్యుడీషియల్ రిమాండ్ నిమిత్తం హాజరుపరచనున్నారు. కేసు దర్యాప్తులో ఉందని, భద్రతా కారణాల దృష్ట్యా ఫిర్యాదుదారుడి వివరాలు వెల్లడించడం లేదని ఏసీబీ తెలిపింది.